sobota, 22 lutego 2014

De numero sequendo, qui... desit

Memor certe es, lector care, temporis pueritiae, cum numerare pueri conantur numeros ab uno usque... infinitatem. Ecce tibi historia.
Mentionem facere volo pictoris Romani Opałka (1931-2011), eo inter alia noti, quod per multos annos vitae pingere solebat... numeros sequentes. Coepit scilicet anno 1985 pingendo (in pictura textili) numerum unum (1), deinde 2, 3, 4, 5 etc., quinquaginta aut plus numeros per singulas picturas. Ita perrexit usque mortem, adveniens usque numerum aliquem plus quam 5.590.000. Hoc modo voluit monstrare... vanitatem vitae hominis.
Simili ratione ductus numeros sequentes inscribere chartulis stylographo (=stilo sphaerato) solebat avunculus Thomae S., amici mei cancro ante duos annos mortui. Avunculus hic credebat enim aliquem magnum numerum in ordine arithmetico numerorum... deesse. Quasi sperabat se, cum ad numerum e.gr. 6.673.987.411 advenerit, non posse numerum  6.673.987.412 statim inscribere, sed loco eius manus ipsa scribet  6.673.987.413 (aut quid simile). Vir hic spectabilis – amator linguarum gentium Sibiriae - postea manu ipsius mortem sibi attulit, incredibili in modo: hieme scilicet, ambulando cum pera dorsuali lapidibus plena, mare Balticum intravit, testibus huius eri oculatis, neque umquam cadaver eius inventum est. Ita saltem secundum legendam domus Thomae S.

Brak komentarzy:

Prześlij komentarz