Autumni comites uenerunt uentus et imber,
cum careat calido sole minuta dies.
Aestas praeteriit; num iusta est causa querendi?
Num fugere autumni tempora, queste, potes?
Vinea dant uuas, arbos fert mitia poma,
iam frumenta micans aurea campus habet.
Consedisse dies nos grata iubebit in horto,
cum redeat pulsis nubibus aura tepens.
Nondum uenit hiems, nondum nix decidit alba
aut glacie gelida fluminis unda riget.
(Martinus Freundorfer)
Brak komentarzy:
Prześlij komentarz