Filius Poetricis cursuram Marathoniam superavit

De qua re Anna Elissa Radke:

Ad filium unicum,
cum cursum Marathonium Sancti Francisci habitum superaret

Aureum pontem superare cursu
contigit ventis, pluviis resistens
incitante uxore tua "triumphe!
curre, marite!"

Et domi te tergemini salutant:
"Te, patrem, admiramur in omne saeclum!
Asperis victis et ad astra nos tres
adveniemus!"