Filius meus modo e peregrinatione per Terram Sanctam revertit ac narravit historiam adhuc mihi ignotam. Ecce, propter luctationem continuam de potestate ecclesiae Sancti Sepulchri variarum Hierosolymis ecclesiarum - imprimis ecclesiae Graecae, Latinae et Armeniacae - sultanum Turcicum medio in saeculo XIX decrevisse statum quo ante in Sepulchro porro non mutandum. Nemo ita postea ausus est aliquam ibi rem movere, mutare etc. Ergo scalae ligneae, verisimiliter casu ab operariis ad parietem relictae, ab eo tempore in sui loco manent, nemine usque hodie audente contra decretum sultani agere. Ceterum, sunt qui putent has scalas iam parieti acclinasse AD 1728, nam pictura quaedam basilicae tunc facta eas quasi monstraret. Sunt quoque qui dicunt imam partem scalarum tabulatione niti sub potestate unius ecclesiae (e.gr. Graecicae) manente, summam autem partem (apicem) fenestrae attingere tabulationis, quae ad aliam ecclesiam patet (e.gr. Armeniacam; nam aliae tabulationes partesque aedium Sancti Sepulchri sub potestate aliarum ecclesiarum manent) - nemo ergo scit, cuius ecclesiae sacerdos iubere possit scalas deponi. Hoc tamen nimis ridiculose sonat ac certitudine 99% ad nugas pertinet.
Brak komentarzy:
Prześlij komentarz