niedziela, 7 października 2012

Liquamen Magonicum (=mayonnaise)

Optime mihi sapit liquamen Magonicum, quod omni fere cibo addere conor. Memini me - postquam annum academicum 1987-88 Pecchini Serum degeram, ubi nullum eiusdem generis liquamen invenire valebam ergo desiderio Magonici unius totius anni laborabam - limite Sovietico in reditu domum (i.e. in Poloniam) tramine transsiberiano superato, totam pyxidem liquaminis Magonici, quam in taberna Russorum statim emi (praeter caviarium sive acupenseris ova necnon panem secalicium, quarum cuppediarum ne morsum singulum spatio huius anni gustaveram) stante pede cochleario utens comedisse.

Brak komentarzy:

Prześlij komentarz