czwartek, 16 sierpnia 2012

De quercu reconciliationis

In libro quodam de arboribus Poloniae legi obiter dictam notulam terrae Esthoniae adesse 'quercum reconciliationis', cuius trunco scilicet cavea permagna adest, ubi coniuges (aut amantes) iurgiis continuis inter se certantes ultimam spem salutis quaerant: noctem totam ibi (i.e. in cavea) est iis manendum, deinde (plerumque) se denuo amare incipiant ac longe postea una feliciter vivant.
Sed ego per TTT (=telam totius terrae, Anglice: WorldWideWeb) quaerens nullam huius arboris mentionem(qua in urbe oppidove esset) inveni.

2 komentarze:

  1. Nisi fallor, arbor illa vocatur Tülivere et sita est prope oppidum cui nomen Kuusalu. Imaginem invenies ad: http://commons.wikimedia.org/wiki/File:Ohvritamm_Tülivere_tamm.jpg

    OdpowiedzUsuń
  2. Gratias, mi amice, pro nexu interretiali indicato. Fortasse eandem arborem pictura monstrat - pro certo nescio, nam Esthonica lingua minime calleo:-)

    OdpowiedzUsuń