środa, 11 lutego 2015

Indi celeriores Seribus

Secundum novissimam statisticam Indorum, oeconomia huius terrae crevit ultimo trimestri praeteriti anni, mensibus scilicet X-XII, passu 7,5 centesimarum, dum mensibus VII-IX celeritate 8,2%.
Hoc modo India celerrime omnium crescens oeconomia mundi facta est, nam Sinae evolvuntur nuper tardiore quam olim gradu – 7,3% altero dimidio 2014 anni.

Nihilominus, oeconomia Sinarum multo validior est Indicae comparata necnon, etiam si celerius abhinc evolvituri sint Indi, demum post 20-30 annos Seribus aequales erunt – commentatus est rector Indicae Agenturae Statisticae, Ashish Kumar, dicens ad diurnarios ephemeridis "Wall Street Jorunal".

1 komentarz:

  1. In viginti vel triginta annis intellegendum est tempus longius, quam facile a hariolis vaticinatoribusque perspici potest: nam abhinc annis viginti, Europa nova erat foedere nuper ad Traiectum Mosae subsignato ac rato; abhinc annis triginta, Margareta Thatcher regebat Britannos. Quis tunc potuit praedicere ea, quae in mundo hodierno revera fiunt?

    OdpowiedzUsuń