Acris liquit hiems agros et urbem
nec iam mane leui micant pruina
campi, sed reduces canunt uolucres
et nido queritur reuersa Procne
facto mater Ityn memor doloris
et riuus posito rigore currit.
Fert tellus niuis immemor gelusque
flores nunc uarios nouo uirente
passim gramine, quo salax fruatur
post brumam lepus et famem prementem.
Heus, exire iuuat, iuuat uagari,
ut corpus foueat tepens mouendum
aura et pallida adhuc cutis colore
tinguatur. Remouet sibi fauente
gaudens uere puella, quo tegatur,
uestem crusque aperit femurque et omne
collum, bracchia liberat lacertos.
Brak komentarzy:
Prześlij komentarz