Praeconiis commercialibus Polonorum temporis interbelli
(1918-39) aderant nonnulla alicuius momenti, ut Saccharum recreat (Polonice: Cukier
krzepi), inventum a scriptore Melchiore Wańkowicz in certamine annuntiato a
directore consociationis statalis fabricatorum sacchari, nam per tempus quoddam
(verisimiliter ob crisin mundanam paupertatemque) saccharum in Polonia male
venum isset. Satis tamen erat duorum horum verborum, ut cito multo maior copia
sacchari a Polonis emeretur (ita saltem dicunt veteres).
Sed mihi iucundissum huius temporis videtur dictum praeconicum
adhortans viros, ut condomia sive cummes praeservativas (pro dolor, non memini
nominis fabricatoris praeconiive auctoris) emerent: Citius tibi cor rumpat! (Prędzej
ci serce pęknie!).
Brak komentarzy:
Prześlij komentarz