poniedziałek, 3 września 2018

"Caret quiete uates" (Martinus suadet, quomodo carmina sint scribenda)

Vt uersus facias, opus poetae
est sudore: Caret quiete uates,
Stanislae, die studet nigraque 
dextra nocte tenet stilum mouendum:
Hac uni dominae arte seruiendum est
et sic Melpomene colenda clara.
Primos difficile est modo fabrorum
uersus iungere et obsequi Camenae
ac legi metricae deaeque iussis.
„Apte ponitur hoc loco uocalis
an me ponere, Musa, consonantem
uis? Haec syllaba longa non uidetur,
sed fortasse – quis hoc scit? – est. Breuisne
illa est? Quomodo longa fiat ista,
dic! Elidere carmen omne malo.”

Brak komentarzy:

Prześlij komentarz