Penelope Ulixi s.p.d.
"Cras, dixti, redeam!" tamen ex hoc "cras" "hodie" illud
factum est, tunc et "heri". Quaero ego sollicita:
Quae dea te retinet? Forte Aeolus adiuvat illam
aequoreis ventis tam procul a patria?
Ne ruerit, timeo, forte alter pons Genuensis,
aethere deciderit ferrea avis subito.
quidnam horae mihi quidve dies, hebdomades, anni,
si modo in amplexus incolumis redeas!
Brak komentarzy:
Prześlij komentarz