Primis tribus mensibus huius anni patria mea adoptavit leges, quae
6.654 paginis chartae papyraceae continentur. Grapheocratia ergo Polonorum
crevit primo trimestri 2015 anni passu 5,5% celerius quam eodem tempore modo praeteriti
(2014) anni.
Annualem grapheocratiae computationem perfecit negotiatio
consultatoria Grant Thornton. Secundum eos, omnino in 2014 anno adoptavimus
25,6 milia paginarum novorum legum. Hoc (2015) anno numerus paginarum maior
fore exspectatur quam 27 milia.
Rebus ita stantibus, permultis civibus non satis temporis
adesse, ut novas leges, etiam has ad se recte pertinentes, legant.
Desunt, pro dolor, mihi noti numeri statistici grapheocratiae
incrementi aliis in terris.
Etiam in Brasilia leges quotidie scribuntur, mutantur, recognoscuntur. Nemo minister publicus, nemo iudex, nemo magistratus potest per se tam multa scripta legere vel noscere. Si hi non noverunt leges, quas ipsi indesinenter tractant, quando populus noscet leges suas?
OdpowiedzUsuń