Negotiator (Anglice businessman) quidam plusminusve quadraginta annos natus, ergo me multo natu minor, iuvenem ceterum auram circum se praebens/emittens, quem in orbe alcoholicorum anonymorum conveni, narravit de sui more ante omnem difficilem negotiationem rosarium Virginis Mariae dicere. Dicit, ut piis catholicis deceat, quinque decadas, ergo quinquaginta Ave Marias, ne dicam de Symbolo Apostolorum in intio precis neque de Patre Nostro in initio uniuscuiusque decadis - tempus has preces dicendi in vita semper festinantis negotiatoris videatur sat longum esse. Sed amicus hic novus meus dicit id et sibi et ipsi negotiationi prodesse, nam rosario dicto multo pacatiore animo rem commercialem aggreditur.
Ceterum homo est linguae ut ita dicam salacissimae, morum non semper "catholicorum" (de permultis mulieribus narrat, quibuscum rem aut iam habuit aut habere velit). Mirum.
Conventu negotiatoris motus, nonnulla de rosario (seu corolla rosarum) per rete quaerebam. Inveni similia rosaria adfuisse/adesse multis fidibus mundi: https://en.wikipedia.org/wiki/Prayer_beads
Consentio, etsi multo magis juvat si devote recitetur. Et per auscultum cantus Gregoriani animus reficitur. Hodie autem, in festo Immaculatae Conceptionis B.M.V., sancta communione accepta, memor fui tui.
OdpowiedzUsuń