niedziela, 18 grudnia 2016

De variis opinionibus super rosarium

Nuper de rosario hic scripsi, quod dicere solet notus mihi negotiator (=businessman) me decem plus minusve annorum iuvenior.
De eadem re nuper cum Irena, quae est catholica piissima, locutus sum. Contra exspectationem dixit Irena sibi rosarium nullius momenti esse, damnum, ut ait, temporis, prex automataria, non ex imo corde dicta.
At mihi - qui potius agnosticus quam catholicus sum - videtur aliquid boni rosario adesse.
Damnum temporis... Si tempus bonum tibi ad praesens est, certe esse damnum. Sed si malum tempus...? Tunc vis lapsum temporis quam citissimum fore. Quidni lapsus hic accelerandus sit "Ave Marias" quinquagies dicendo? Si tibi pacem id afferat, nemini autem noxiam...

1 komentarz:

  1. Aliquando sunt Deo viciniores agnostici piis Catholicis.

    OdpowiedzUsuń