czwartek, 8 grudnia 2016

Ignis omnium vetustissimus

Quid faciendumst tibi cum vis pilam electricam lampadis (Anglice: light bulb) quam longissime vivere? Numquam lampadem exstinguere!
Ita patet e casu siphonariorum urbis Livermore Californiae, in statione quorum adhuc utuntur pila electrica, quam sub tecto huius loci siphonarii pependerunt AD 1901. Pila abhinc semper gliscit ac numquam exstingitur, ut siphonariis viam ad currus cum siphonibus ostendat.  
Propter longaevitatem pila haec inscripta est Guinessiano Libro Mirandorum.
Pila electrica Livermorensis olim possidebat vim 30 aut 60 (quot recte, nunc incertum manet) Wattorum, hodie tamen lumine tenuissimo lucet vi plusminusve quattuor Wattorum.
Fabricatricem pilae fuisse Shelby Electric Company urbis Shelby US-civitatis Ohio.
Autor: o

6 komentarzy:

  1. bedwere8 grudnia 2016 10:51

    Ten komentarz został usunięty przez autora.

    OdpowiedzUsuń
  2. bedwere8 grudnia 2016 10:51

    Item dicitur computatra numquam extinguenda ut longissime vivent.

    OdpowiedzUsuń
  3. ysmael8 grudnia 2016 11:53

    Salve,
    quid sibi vult 'siphoniarium'? Nec per interretem invenire posui neque excogitare quae sit significatio valui.

    OdpowiedzUsuń
  4. bedwere8 grudnia 2016 12:02

    Fortasse qui ignem exstinguunt?

    OdpowiedzUsuń
  5. Iconoclastes8 grudnia 2016 13:57

    Siphonarii erant qui hodie Anglice 'firemen' nuncupantur. Ni fallor, nomen esse Graeco-Alexandrinum, nam ibi primum siphones aqua compressa in ignem vomitantes inventae sunt.

    OdpowiedzUsuń
  6. bedwere8 grudnia 2016 14:57

    Vide etiam Lexicon Forcellini:

    http://www.linguax.com/lexica/forc.php?searchedLG=siphonarius

    OdpowiedzUsuń

Subskrybuj: Komentarze do posta (Atom)