Poetria autem apes colit

Anna Elissa Radke:

De apibus egentibus

Instant multa pericula,
quae vobis apibus nocent:
nectar deficit et cibus
herbis stirpitus erutis,
vincit Varroatosis.

Advenite, apium agmina,
nam floret tilia undique,
stillat nectar ab arbore,
haeret et pedibus via,
vix procedere possum.

Hic est collis Hymettius:
vestram explebit inopiam,
praebet mellaque prodigus -
o quam dulce sonat mihi
vester fronde susurrus!