Neuropsychologi Italici, quibus munus in nosocomio oppidi Summa Longobardiae (Somma Lombardo), nuntiant de sui patiente, initialibus J.C. noto, viro Italo 50 annorum, qui post laesionem cerebri [rectius: arteriae basilaris] coepit... Francogallice loqui (quam linquam ut iuvenis in schola didicerat, sed abhinc omnino fere oblitus est nullasque iunctiones cum civibus aut rebus Gallicis tenebat).
Nunc autem, post cerebri laesionem, J.C. ut Francophilus maximus Galliam quasi sui patriam colit. Loquitur solum Gallice (Italicam porro intellegit, sed spernat), menda interdum grammatica faciens, sed loquitur cito ac intellegibile. Ceterum mores Gallorum sibi adoptavit: panem Napoleonicum (baguette) in taberna emit, ephemerides Gallicas legit. Cotidie mane cum fenestram domus aperit, homines via praeterambulantes salutat exlamatione: Bonjour!
In mentem venit hic vir, quí, ictum cerebrále ("stroke") afflictus, experréctus est cinædus: http://www.huffingtonpost.com/2011/11/08/stroke-turned-gay-welsh-jock-_n_1082398.html
OdpowiedzUsuńHahae! Utinam simile quid eveniat nonnullis viris politicis meae terrae, qui vehementer in cinaedos invehunt.
OdpowiedzUsuń