Saepe de pueritia mea hic scribo, quam in Polonia nolens volens degebam a communistis dictatorie recta, ubi adulti homines salaria menstrua 20 dolariorum merebantur. Certe, nemo sanus communistas regentes in terra mea amabat, cuius rei tamen non omnes peregrini certiores erant. Anno 1987 ut studens linguae Sinicae Pecchinum ad spatium unius anni missus iussu Universitatis Varsoviensis sum. Ubi quisdam peregrinator US-Americanus subridens me coram aliis rogavit:
- Estne verum vos unam tantum factionem politicam in terra vestra habere? (Quasi ego reus essem potestatis in Polonia communistarum!)
Nescivi primum quid responderem. Deinde respondi:
- Estne verum vos habere duas?
Certe, plus quam quadraginta dolaria per mensem civis USA merebatur, ergo systema horum bifactionale superius communistico monofactionali erat.
Brak komentarzy:
Prześlij komentarz